التخطي إلى المحتوى
رومى تركى بارد بطعم الشواء بالصور
رومى تركى بارد

دة صدر رومى او تركى او حبش مسمياتة كتير

انا بجيبة كدة مخلى بالوزن من كارفور ومربوط زى اللحمة الباردة

هنا انا تبلتة بملح وفلفل بابريكا وثوم وبصل بودرة

وفى الخلاط نضرب بصل مقطع مع ليمون مع ماء ونصفية لنحصل على عصير بصل

نشوح الرومى فى معلقة سمنة على نار عالية

بالشكل دة من كل الجوانب

ثم نصب علية عصير البصل بالليمون ونغطية ونتركة يستوى

لو احتاج مية زيادة نزود وطبعا نختبرة بالسكينة

ونتركة الى ان يصفى خالص بنحصل على صوص تقيل رووعة ويكون الرومى متحمر كدة

وعلشان نديلة طعم الشوى بسخن فحمة على البوتجاز ونضعها فى قطعة فويل مع نصف معلقة صغيرة سمن  ونغطى الحلة بسررعة

نسيبة يبرد خالص ونفك الرباط ونقطعة شرايح زى اللحمة الباردة بالضبط طعمها رائع جدا ويقدم بالهنا مع الصوص بتاعة

طريقة عمل فراخ رومى تركى بارد بطعم الشواء بالصور والخطوات من مطبخ الشيف منوس ننوس

التعليقات

إترك تعليقاً