التخطي إلى المحتوى
طريقة عمل كعك تركى بالعجينة الذهبية بالصور
كعك تركى بالعجينة الذهبية
اليوم هنعمل الكعك المظفر بنوع عجينة جديد معروف بالعجينة الذهبية ودة نوع من العجائن الناجحة جدا ممكن تستعمل فى حاجات كتير وان شاء الله هاعمل لكم بيها انواع اشكال تانية
مقادير العجينة الذهبية
2 ونصف كوب دقيق
كوب زبادى
ربع كوب زيت
معلقة كبيرة خميرة
معلقة كبيرة باكينج بودر
نصف كوب لبن رايب
معلقة سكر
وهنحتاج للكعك عسل اسمر مذوب فى ماء وسمسم
طريقة العمل
ننخل الدقيق ونحط كل المقادير الجافة مع بعضها

ثم الزيت والزبادى 
 
ونكمل عجن بالرايب
 
وممكن رشة دقيق صغيرة لتضبيط العجينة بالشكل دة
 
نغطيها ونتركها تخمر
 
وهنا شكلها بعد الخمر
 
ناخد من العجينة كرة متوسطة لانى هاعمل كعك متوسط وممكن اكبر وممكن اصغر حسب الرغبة ونبرمها حبل طويل بالشكل دة
 
ثم نتنى الحبل الى نصفين
 
ونلفهم على بعض بالشكل دة
 
ونقفلها على شكل دائرة وندهن الصينة زيت خفيف
 
وهنا دة شكها نتركها تخمر تانى وندوب مثلا ربع كوب عسل مع شوية ماء وندهن بيهم الكعك ونرش سمسم ممكن كمان لو تحبو تحطوا العسل مع الماء فى اناء كبير ونغطس الكعك فيها ونشيلها نضعها على الصينة حسب الرغبة بس انا بفضل الدهان فقط ودة اللى بيميز الكعك التركى 
 
بالشكل دة

وتخبز فى فرن حار حوالى ثلث ساعة بيكون شكلها كدة

وتقدم بالهنا
منوس ننوس
منى عبد المنعم
 طريقة عمل كعك تركى بالعجينة الذهبية بالصور والتفصيل منوس ننوس

التعليقات

إترك تعليقاً