التخطي إلى المحتوى
عمل تورتة على شكل أدوات الميك أب بالصور
تورتة على شكل أدوات الميك أب
هنا دى تورتة عليها ادوات ميك اب يارب تعجبكم
طبعا سبق كذا مرة وشرحت طريقة الكيك الاسفنجى بدقيق الاسبونج
هنا انا استعملت 2 كيك واحدة فانيليا وواحدة شوكليت مقاس 28

وعملت التورتة طبقة ابيض وطبقة بنى علشان كنت عاوزة الارتفاع كبير

طريقة الكيك بدقيق الاسبونج للعلم للصينية الواحدة
نصف كيلو دقيق اسبونج ابيض او كاكاو
6 بيضات وفانليا ومعلقة محسن جيل
نصف كوب ماء فقط لا غير
طريقة عمله
نخلط كلة على بعضة فى العجان لمدة لا تقل عن 10 دقائق
الى ان يتضاعف حجمة
هنا شكل الكيك الابيض والكاكاو

انا عملتة قبله بيوم وغلفتة بالنايلون واستعملتة تانى يوم
وهنا دى سكينة لتسوية جوانب التورتة بالجناش و2 قاعدة نفس مقاس الكيك علشان نعمل حواف حادة للكيك (شارب ايدج)
مقسم كل كيك الى طبقتين او 3 حسب الرغبة ونحشى كريم شانتى او اى حشو تحبوة حسب الرغبة طبقات متبادلة طبقة كاكاو وطبقة ابيض بالشكل دة

شايفين الارتفاع قد اى
هنا دة الجناش وسبق وشرحتة بالخطوات هنا
أضغطى على الوصفة التالية (طريقة تحضير جناش الشيكولاته بالصور)
وانا هنا عملتة مقدار كريمة خفق لمقدار ونصف شيكولاتة خام

هنا طبعا انا حطيت الكيك على قاعدة والقاعدة التانية غلفتها بالنايلون علشان استعملها على الوجة فوق نضع طبقة وفيرة من الجناش

ونساوى السطح ثم نضع البورد المغلف بالنايلون ونملا كل الجوانب بالجناش الى ان تصبح بهذا الشكل والسكينة دى بتساعد كتييير

هنا غلفتها كلها بالجناش لغاية حروف البوردين اللى فوق واللى تحت كدة بنحصل على كيك متساوى الجوانب وبحواف حادة بالشكل دة نضعها فى الثلاجة تتماسك

ثم نشيل البورد اللى فوق هتكون مضبوطة جدا
هنا انا فردت فندان ابيض وغلفتها بية

ودى ادوات الميك اب عملتها كلها بالفندان

نبدا نرص الادوات عليها

بالشكل دة والروج وطلاء الاظافر بنثبتة على التورتة بعود خشبى انا هنا ما استعملتش cmc وهى بودرة خاصة للمجسمات علشان تنشف ما استعملتهاش لان الاشكال مش كبيرة وسهل تتثبت بعو خشبى ومش هاتقع

وهنا فردت فندان بينك وعملت ورد بالقطاعات ولزقتة على الجوانب بالشكل دة

شايفين حلوة ومضبوطة اهى والارتفاع جميل

ودة شكلها النهائى يارب تكون نالت على اعجابكم
بالهنا منوس ننوس (منى عبد المنعم)

لا تنسونا بصالح دعائكم وبالهنا والشفا
عمل تورتة على شكل أدوات الميك أب بالصور بطريقة شيف منى عبد المنعم

التعليقات

إترك تعليقاً