التخطي إلى المحتوى
طريقة عمل ديك رومى مشوى فى الفرن بالصور
ديك رومى مشوى

هاشرح لكم طريقة عمل الديك الرومى او كما يسمى فى مناطق اخرى بالحبش او التركى

مقادير ومكونات الديك الرومى

نحتاج الى ديك رومى على حسب الوزن المطلوب حسب الرغبة 6 او 7 كيلو + جزر + فلفل اخضر + كرفس + بصل + طماطم + ملح وفلفل + زبدة طرية وليس مذابة + كمية من البصل المضروب فى الخلاط مع كوب ماء و2 ليمونة (عصير بصل)

طريقة عمل الديك الرومى

هنا دة شكل الديك

وهنا شكل المكونات المطلوبة

نحضر قارب فرن كبير يتسع للديك وندعك الزبدة بخلطة من الملح والفلفل والبابريكا وممكن تزودوا بهارات حسب رغبتكم والزبدة دى ندعك بيها الديك بين الجلد واللحم علشان تدى طراوة للحم ويبقى جوسى وحلو علاوة على لونه الذهبى

بالشكل دة وندعكه كمان من برة ونتبلة بالبهارات كويس نقطع الخضروات الى حلقات متوسطة وناخذ منها جزء ونضعة فى داخل الديك

وباقى الخضار نضعة فى القارب ونضع الديك فوقه بهذا الشكل مع ما تبقى من الزبدة

نصب فوقهم خليط عصير البصل

مع فصين حبهان وورقة لورة ونغلفة كليا بالفويل او القصدير ونضعة عشر دقائق على نار البوتجاز من فوق ونكون مشغلين الفرن وسخن نشيله من على النار ونضعة فى الفرن يستوى وكل عشر دقائق نفتح الفويل وناخد من الصوص اللى فى القارب ونصبة على الديك وهكذا بياخد حوالى 2 ساعة فى الفرن على حسب وزنة وفى اخر ربع ساعة نشيل الفويل علشان يتحمر

شايفين هنا شكل الخضار اللى تحت الديك

ممكن الخضار دة نضربه فى الخلاط ونحصل على احلى صوص للديك ويقدم الديك بعد تمام الاحمرار ممكن مع رز بالخلطة او حسب الرغبة وهنا شكلة النهائى وبالهنا منوس ننوس (منى عبد المنعم)

الطريقة السهلة لعمل ديك رومى مشوى فى الفرن (حبش او تركى) بالصور والخطوات مطبخ منوس ننوس

التعليقات

إترك تعليقاً