التخطي إلى المحتوى
طريقة عمل بط مشوي فى الفرن بطعم جديد بالصور
بط مشوى

 اليوم هاعرض لكم طريقة البط المشوى فى الفرن على طريقتى الخاصة طريقة حلوة جدا وسهلة والطعم مختلف تماما عن طريقة البط التقليدى المسلوق والمحمر طريقة لذيذة جدا ان شاء الله تعجبكم ندخل على الطريقة

مقادير البط المشوى

هنا المقادير تقريبة نحتاج الى بطة كبيرة او حسب الحجم المتاح حسب الرغبة وطبعا متنظفة كويس جدا ومغسولة + ورقتين لورة + عود كرفس + فصين حبهان (هيل) + ملح وفلفل + قطعة زبدة ما يعادل معلقتين او ثلاثة كبيرة + جزرتين مقطعين شرائح سميكة + شرائح بصل او مكعبات كبيرة + فص مستكة فقط لا غير

طريقة عمل البط المشوى

للاسف اول صورة اتمسحت صورة البطة منفصلة نحضر قارب فرن كبير يكفى البطة كاملة

نضع الجزر والبصل والكرفس وورق اللورة او الغار والحبان فى قاع القارب ويتبل بالملح والفلفل

ونحضر البطة ونتبلها بملح وفلفل فقط ونضع جزء من خلطة البصل والجزر والكرفس في داخل البطة ونضع البطة فى القارب فوق باقى المكونات وعليها قطع الزبدة بالشكل ده


وهنا شكلها من قريب


ونغطى القارب كلة بورق الفويل او القصدير بالشكل دة


نكون مسخننين الفرن على أعلى درجة والنار عالية والرف الشبكى فى وسط الفرن ونضع الصنية فى الفرن وبعد نصف ساعة نطلعها ونزودها ماء مغلى ونغطيها تانى

وتترك فى الفرن حوالى من ساعة ونصف لساعتين حسب الحجم وطبعا نبص عليها في وسط الفترة ونقلبها مرة على ظهرها ونختبرها بسكينة لو دخلت بسهولة تكون استوت

ويكون الخضار اللي تحتها استوى كويس جدا واتحول للون البنى والمية كلها تكون نشفت فى الحالة دى بنشيل ورق الفويل ونقلبها تانى ونتركها تتحمر وتاخد وش حلو جدا وبعدين نعملها فحمة تاخد طعم الشواء كمان

وتقدم بالهنا طعمها مختلف جدا جدا ومميزة ويقدم تحتها الخضار اللى معاها طعمة بيكون رهيب واستمتعوا باحلى طعم للبط المشوى بأسهل طريقة مع تحياتى منوس ننوس منى جـــــاد

التعليقات

إترك تعليقاً