التخطي إلى المحتوى
إدينى ورقة وقلم هحكى قصة شعب
قصة شعب

اديني ورقة وقلم هحكي عن شعب اتظلم، اديني ورقة وقلم هحكي عن غضب الأمم. اديني ورقة وقلم ابني الي مات ده مش صنم اديني ورقة وقلم وعد الجنود وعد الندم، اديني ورقة وقلم هحكي عن شعب حلمه اتردم. اديني ورقة وقلم هقول حاجات ومحتاجات هحكي عن الشعب اللي مات، هحكي عن جنود عاشوا في وسط خوفهم بالسكات، هحكي عن النور الي كان عمره ماراح، لكن خلاص اصبح قصص تاخد من الخيال الف براح، هحكي عن مكان مبشتغل عن القانون عن العمل.

العمل اللي كان…. كان امل دلوقتي اصبح حمل شايله جمل الحمل ده هد ضهري وبوزوه انا والف واحد غيري اتخرجو….. قلنا هنشوف حياتنا ونستقر ،ونشوف نصيبنا ونستمر، لكن الحياة زرجنت، طلبت حاجات وعكننت، طلبت فلوس طلبت دهب، طلبت رغيف وكمان تعب، طلبت سفر طلبت فراق. طلبت بعاد عن الاحبه واشتياق.

اشتقت ليكي يا بلد يالي بتصنعي الولد، بتصنعيه راجل متين وتصدريه لاي مكان يدفع كتير، وتحسيبي الفرق الي راح، ومبتندميش بتقولي ماخلاص كان واحد عدا وراح. بكرة الزمان يجيبلي غيره مهو خلاص العدد كبر كتر خيره ابيع بقي استني ايه. ما الفرصة جاتلي اهه يا بيه، ولا انت عايزها تضيع عليا.

دي الفرصة دي نور عنيا، بقي هي الحياة فرصة يا بلد؟ ….. ابيع خواتي وابيع ولادي واديكي حقي يا بلادي ولا ابيعك انت واربي ابني الي اتولد نفسي اعيش في مصر وهي مدياني حقي علشان مفكرش في اي بلد تانية انها احسن من بلدي.

التعليقات