التخطي إلى المحتوى
أسهل مينى تارت الشيكولاتة بصوص الجناش بالصور
مينى تارت الشيكولاتة بصوص الجناش
المقادير
كوب الاربع دقيق
ربع كوب كاكاو خام بدون سكر
معلقة صغيرة باودر
ربع كوب سكر بودرة
ربع كوب زبدة
1بيضة + فانيليا وعصرة ليمون
المقادير دى بتعمل عدد 6 وحدات تارت متوسطة  لو حبينا اكثر نزود المقدار
طريقة العمل
اولا نخفق الزبدة مع السكر

ثم نضيف البيضة والفانيليا والليمون
 
ثم الدقيق والكاكاو والبودر
 
ونخلط الى ان نحصل على عجينة لينة متجانسة
 
هنا دى قوالب التارت المتوسطة وفى اصغر وفى اكبر حسب الرغبة نقسم العجينة على عدد القوالب ونفردها كويس
 
ونخرمها بالشوكة وتوضع فى الفرن بتاخد حوالى تلت ساعة
 
ودة شكلها بعد الخبز
 
وهنا شكلها من تحت
 
هنا مقادير الحشو عبارة عن صوص جناش ال6 حبات تارت عملت ليهم كوب الاربع كريمة خفق مع كوب الاربع شيكولاتة خام ومعلقة زبدة كلة على بعض فى حمام مائى او فى الميكرويف ونقلبة كويس ونتركة يبرد تماما وممكن يتعمل قبلة بوقت ودة الافضل 
 
وهنا شكل الصوص
 
نصبة بداخل التارت طبعا لما بيرد الصوص بيتقل بالشكل دة

ويزين حسب الرغبة انا هنا زينته بشيكولاتة بيضاء
 
ويقدم بالهنا لذيذ جدا لعشاق الشيكولاتة
بالهنا
منوس ننوس
منى عبد المنعم
 أسهل مينى تارت الشيكولاتة بصوص الجناش بالصور لمنى عبد المنعم

التعليقات

إترك تعليقاً