التخطي إلى المحتوى
طريقة عمل مربى التين البرشومى فى المنزل بالصور
مربى التين البرشومى
اليوم سأشرح لكم فكرة جديدة فى المربي وهى طريقة عمل مربى التين البرشومى فى المنزل بالصور والخطوات والتفصيل
المقادير
كيلو تين مقشر ومقطع
نصف كيلو سكر
ليمونة معصورة
حبات قرنفل
ولو متوفر عسل جلوكوز ممكن معلقة كبيرة بيمنع ان المربى تسكر
طريقة العمل
هنا دة التين بس انا طبعا عاملة ضعف المقدار غسلتة

قشرتة وقطعتة الى قطع متوسطة

نضع التين فى طبقات متبادلة مع السكر وتكون اخر طبقة سكر ونتركة فى الثلاجة من الليل للصبح

هنا شكلة بعد ما قعد طول الليل فى الثلاجة بيطلع مية كتير بالشكل دة

نضعة فى حلة كبيرة على النار لانة لما بتغلى المربى ممكن تفور علشان كدة نخلى الحلة كبيرة وهنا لما بيغلى بيطلع رغوة على الوش نشيل الرغوة دى ثم نضع الليمون وعسل الجلوكوز ونقلبة مرة ونتركها تتقل

ودة شكلها بعد ما استوت نضع لها عيدان قرنفل

وهنا علشان نختبر المربى وتقل الصوص بتاعها كويس كدة ولة اى نضع طبق فارغ فى الفريزر يتجمد بالشكل دة
ملاحظين تشبيرة الطبق ناخد معلقة صغيرة من المربى ونضعها على الطبق لو عملت كرمشة على الوجة او حتى لو حركنا الطبق ولاقينها بتتحرك براحة خالص يبقى كدة تمام لانها بردوا لما بتبرد خالص بتتقل شوية كمان

ودة شكلها النهائى بالف هنا رائعة جدا
مع تحياتى منوس ننوس (منى عبد المنعم)

التعليقات

إترك تعليقاً