التخطي إلى المحتوى
طريقة عمل خلطة خضرة القلقاس بالصور
خلطة خضرة القلقاس

خلطة خضرة القلقاس الوصفة دى خاصة بالقلقاس طبعا هو نوع من انواع الخضار شبية بالبطاطس من فصيلة الدرنيات بنحتاج لة فى نهاية طبخة خلطة عبارة عن كسبرة خضراء وثوم فى بعض الناس بتعملة بسلق لكن انا بفضلة كدة بالكسبرة والثوم فقط جربوها ان شاء الله هاتعجبكم كتير على طريقتى

ودى برضوا من الاشياء سابقة التجهيز انا بعمل منها كمية واحفظها فى التلاجة وعند الحاجة استخدمها

الكميات مفتوحة حسب الرغبة لكن خلوا بالكم يعنى حزمة كاملة من الكسبرة يادوب تعمل طبق صغير تحسوا انها كتير لكن لما نضعها على النار بتقل الكمية للنصف وهانشوف دلوقتى فى الطريقة

طريقة العمل

هنا دة شكل الكسبرة الخضراء مع الثوم

طبعا نغسل الكسبرة كويس جدا ونتركها تجف من الماء نهائيا ونقوم بتقطيعها صغير جدا هى والثوم

نحضر حلة ونضع فيها معلقة كبيرة سمنة ولازم سمنة ولما تسخن نضع الكسبرة والثوم

وعلى نار هادية نقلبها الى ان تنشف ملحوظة فى بعض الاوقات بتكون كمية الماء فى العروق كتيرة فما بتنشف بسهولة ممكن تكتفى بمرحلة انها بدات تنشف وتغير لونها وفى الاخر نسخن الفرن كويس ونطفيه ونضعها فى صهد الفرن تنشف

ودة شكلها بعد ما نشفت نصفى السمنة منها فى الوعاء اللى هانحتفظ فية بالخلطة شفتوا الكمية قلت ازاى

ثم نصحن الخلطة بظهر المغرفة او يد الهون حسب الرغبة بهذا الشكل

نسكبها على السمنة ونضعها فى الثلاجة تجمد شوية وبعدين نقلبها كويس ودة شكلها النهائى كريمية وناعمة ومتجانسة عند عمل القلقاس ناخد منها مباشرة ونضع على القلقاس فى النهاية بتكون تحفة ورائعةانا كمان بعملها كدة لان السلق مش متوفر عندنا تحياتى منوس ننوس (منى عبد المنعم) شيف مدونة عايزين ناكل سابقاً

طريقة عمل خلطة خضرة القلقاس للمبتدئات من مطبخ منوس - مدونة عايزين ناكل

ملاحظات
recipe image
وصفة:
طريقة عمل خلطة خضرة القلقاس بالصور
الشيف:
نشر فى:
التقييم:
51star1star1star1star1star Based on 1 Review(s)

التعليقات

إترك تعليقاً