قبل ان تقوم بالبدء في عملية التوسع في زيادة عدد العملاء السريع .. يجب ان تعلم جيداً ان هذا التوسع السريع بدون القيام بالتخطيط المسبق له يساوي خسارة فادحة.
ماذا يحدث عند التوسع في زيادة عدد العملاء السريع بدون خطة
طبعا كلنا بنسأل السؤال ده ايه اللى بيحصل لو زودنا عدد العملاء بدون خطة؟!!
تخيل معايا كده حضرتك مثلاً تبدأ بعمل حملة إعلانات علي الفيسبوك لمنتج ما.. وبعد ما تبدأ تجيلك عدد اوردرات أكبر من طاقتك في التجهيز.. فبالتالي ستتأخر علي الزبائن.. فتبدأ الزبائن بإلغاء الطلبيات التي طلبوها!!.
أو لما تكون معتمد في الشحن على مندوب توصيل.. وفجأة تلاقي ان حجم عدد الاوردرات أكبر من طاقة المندوب!!.
وكمان ممكن انك تكون مخطط تبيع 100 قطعة.. وفجأة ينطلب منك 500 قطعة وتيجي تكمل الكمية تلاقي السيولة بتاعتك لا تسمح.. أو إن الكمية عند المورد خلصت.. فالعملاء تزعل منك وتخسرهم!!.
أو متكونش عامل حسابك في الرد على عدد كبير من العملاء اللي عندهم مشاكل والسيستم بتاعك يهنج!!.
أو إنك تعمل زي البنوك اللي بتوقف الناس في طوابير لأن عدد العملاء أكبر من مساحة المكان واكبر من عدد الموظفين اللي المفروض يخدموا العدد الكبير ده من العملاء.. وبدل ما تفتح للعملاء فروع جديدة تستوعب طاقتهم فيتحول البنك لطابونة عيش بلدي.. وبالتالي مستوى الخدمة يكون دون المستوى والعملاء تغضب وتهرب!!.
لذا يجب ان نعلم ان أي توسع غير مدروس في عدد العملاء أو في أي حاجة يساوي خسارة مدروسة.