قبل ما اتكلم عن أصل كلمة بيراميد Pyramid الحقيقي احب انوه ان أحلى حاجة في الأجانِب أفكارهم الجميلة اللى بتظهر في الصور. ولمَّا شُفت الصورة السابقة دي لفتت نظري لحاجة مُهِمة حبيت أتكلم عنها وأعرَّفها للناس لأن قليل مِن الناس فقط رُبما يعرفوها ألا وهي (أصل تسمية كلمة Pyramid بمعنىَ هَرَم).
ما هو أصل كلمة بيراميد الانجليزية
في الحقيقة الخُرافات بتدور حول هذا الموضوع كثيراً لَكِن أصل التسمية الحقيقية لكلمِة (Pyramid) هي الكلِمة المصرية القديمة P3 r3m والتي تُستخدم للتعبير عن أحد أنواع الخُبز في مصر القديمة واللي كان بيبقى شكله هرمي.
وبالمُناسبة عندنا في مصر القديمة طبقاً لقوائِم القرابين الخاصة بالدولة الحديثة 40 نوع مِن الخُبز في مصر القديمة .. وعيش الـ P3 r3m كان يوجد في منطقة الجيزة بكثرة. وفي نفس الوقت أفضل الأهرامات إرتبطت بمنطقة الجيزة يعني الراجِل مغلطش هِنا لما نلاقيه بياكُل قمة الهَرَم لأن أساساً أصل تسمية كلمة Pyramid جاية مِن أحد أنواع الخُبز في مصر القديمة اللي بياخُد شكل هرمي.