بسرعة كده هنقول 9 اسرار من اسرار السعادة بشكل مختلف تعالوا نتعرف عليها.
ما هي اسرار السعادة ؟
متخليش عندك آمال كبيرة في الحياة، دايما استعد للسيناريو الاسوأ في كل شئ، توقع ان كل حاجة هتفشل، الشغل والجواز والمستقبل، بص لنص الكوباية الفاضي علي طول وقول كويس انها فاضية بس مش مليانة مصايب !!!.
بطل تشتكي من ازعاج ومضايقات الناس من حولك وبطل تعتقد انهم اشرار بطبيعتهم، هما مش اشرار ولا حاجة ولا قصدهم يضايقوك هما بس الحياة قارفاهم زيك بالظبط !!!.
فكر في الموت كتير، انتا غالبا مش قدامك اكتر من 400 الف ساعة فاضلين في حياتك !!!.
اسخر من نفسك، بطل تعتقد انك شخص احمق وغبي، فقط اعتقد انك شخص محبوب و مثير للضحك والسخرية !!!.
قضي وقت اكتر مع شخص مبتتكلمش انتا وهوا كتير، نفسك، اسال نفسك اكتر انتا عايز ايه و خايف من ايه !!!.
بطل تحاول تسعد نفسك، تقريبا ده شئ مستحيل، ركز علي ابهاج الآخرين !!!.
بص للحياة وللدنيا كأنك قاعد في وكالة الفضاء الدولية، كل حاجة وكل مشكلة بتبان في حجمها الطبيعي من المسافة دي، صغيرة جدا !!!.
حاول ترمي تليفونك من البلكونة، هتلاقي نفسك اتخلصت من كتير من الازعاجات الغير ضرورية !!!.
بطل تحاول تبقي “طبيعي”، محدش طبيعي، كلنا غريبي الاطوار، وهوا ده الطبيعي في الحياة دي !!!.